உலகிலேயே மிகப் பெரிய உடனடிப் பணப் பரிவர்த்தனை முறை: இந்தியாவின் UPI-ஐ அங்கீகரித்தது IMF
Yaazh Tamizh Admin 
புது டெல்லி: உலகளாவிய டிஜிட்டல் பணப் பரிவர்த்தனைத் துறையில், இந்தியாவின் ஒருங்கிணந்த கட்டண இடைமுகம் (Unified Payments Interface – UPI) அமைப்பு முதலிடத்தைப் பிடித்து, உலகிலேயே மிகப் பெரிய உடனடிப் பணப் பரிவர்த்தனை முறையாகத் திகழ்வதாக சர்வதேச நாணய நிதியம் (IMF) அங்கீகரித்துள்ளது.
பணமதிப்பிழப்பு நடவடிக்கைக்குப் பிறகு இந்தியாவில் கூகுள் பே, ஃபோன் பே போன்ற தளங்கள் மூலம் யு.பி.ஐ. டிஜிட்டல் பரிவர்த்தனை முறை வெகுவாகப் பரவியது. நகரங்களில் அன்றாட வாழ்க்கையின் அங்கமாகவே யுபிஐ மாறிவிட்டது.
முக்கியத் தகவல்கள்:
- உலகளவில் முதலிடம்: உலகளவில் மேற்கொள்ளப்படும் டிஜிட்டல் பணப் பரிவர்த்தனைகளில் இந்தியாவின் யு.பி.ஐ முறை முதலிடம் பிடித்துள்ளதாக சர்வதேச நாணய நிதியம் தெரிவித்துள்ளது.
- பரிவர்த்தனை எண்ணிக்கை: 2024-25 நிதியாண்டில், இந்தியாவில் யு.பி.ஐ மூலம் 12,930 கோடி பரிவர்த்தனைகள் நடைபெற்றுள்ளது.
- உலகளாவிய பங்கு: உலகளவில் நடைபெறும் மொத்த டிஜிட்டல் பரிவர்த்தனைகளில், இந்தியாவின் யு.பி.ஐ பரிவர்த்தனை முறை மட்டும் 49% பங்கைக் கொண்டுள்ளது.
- இரண்டாம் இடம்: 3,740 கோடி பரிவர்த்தனைகளுடன் பிரேசில் இப்பட்டியலில் இரண்டாம் இடம் பிடித்துள்ளது.
இந்தியாவின் யு.பி.ஐ. அமைப்பு டிஜிட்டல் பரிவர்த்தனைகளில் உலகளவில் முன்னணியில் நிற்பது, நாட்டின் நிதித் தொழில்நுட்ப வளர்ச்சியில் ஒரு முக்கிய மைல்கல்லாகப் பார்க்கப்படுகிறது.
About the Author
